Alumnos do CPR Miraflores concursan no programa XIZ de V Televisión

O CPR Miraflores, de O Pereiro de Aguiar, un dos primeiros participantes no concurso escolar XIZ.

O luns 21 de marzo de 2011 comeza XIZ, o concurso escolar de V televisión, o CPR Miraflores, de O Pereiro de Aguiar concursa no primeiro programa de XIZ. Yago Vila e Carlota Mª García, escolares deste centro, son a parella que representará ao colexio o luns, ás 20.15h.

O CPR Miraflores terá que sumar máis puntos que o colexio CEIP Manuel Bermúdez Couso, da Pobra de Trives. O centro que obteña máis puntos pasará de rolda e voltará ao programa nas vindeiras semanas.

XIZ é o novo concurso de V Televisión. 64 colexi9os das catro provincias de Galicia, competirán nas vindeiras semanas para gañar o programa. Para iso, terán que pasar sete probas, nas que amosarán os seus coñecementos e habilidades. Emilio Guillín será  o condutor deste espazo para toda a familia.

Niste enlace podedes ver máis información sobre este programa de V Televisión http://www.vtelevision.es/programas/xiz/2011/03/04/00331299252133667924356.htm

Hoxe, reportaxe en A Solaina, sobre os oficios tradicionais do noso municipio

Esta tarde o magazine da TVG, A Solaina, emitirá en directo unha reportaxe sobre os oficios tradicionais do noso municipio. O programa conducido polo presentador Carlos F. Amado, inclúe reportaxes a pé de rúa, e esta tarde non vos podedes perder a entrevista aos nosos veciños Jose Manuel Belmonte que falará da fabricación de peneiras e panderetas, Domingo Gallego que nos fará unha pequena demostración do oficio do cordeiro  e a señora María Álvarez que nos falará dos tradicionais oleiros, oficio hoxe desaparecido que significou moito para o pobo de Loñoá.

O programa emítese en directo a  partires das 17.00h na TVG.

ENTREGA DE PREMIOS DO XII CERTAME ARTÍSTICO “TERRAS DE AGUIAR”

O pasado 28 de decembro, no salón de actos do Concello do Pereiro de Aguiar, tivo lugar a entrega de premios os gañadores do XII Certame Artístico “Terras de Aguiar” nas modalidade de Postais de Nadal, modalidades de Relato Curto e Fotografía. Desde o concello do Pereiro de Aguiar queremos agradecer a todos os participantes que fan posible que o certame teña sentido e continúe ano tras ano. 

No seguinte enlace podedes ver algúns dos agasallados recollendo o seu premio.

http://www.flickr.com/photos/54835452@N05/sets/72157625814006928/show/

Día de Reis

Esta é so unha pequena mostra da ilusión e da alegría que os cativos e cativas do municipio demostraron ao ver AA.SS OS REIS MAGOS diante, sentados ao seu carón e recibir do seu Rei preferido o seu agasallo. Agora so lles queda seguir portándose ben para que o ano seguinte lle sigan traendo moitos agasallos. Pincha no seguinte enlace para ver fotos do día. http://www.flickr.com/photos/54835452@N05/sets/72157625673680399/show/

FESTA DE ENTROIDO

Este ano chegan ao pavillón vaqueros, indios, mexicanos, bandidos, “chicas saloon”, … á festa do Oeste que se está a preparar para o Entroido 2011 no concello do Pereiro de Aguiar.

Aínda estás a tempo!  Prepara o teu traxe e non perdas unha tarde de xogos, baile e diversión o sábado 5 de marzo.

Manterémosvos informados  de todas as novas que xurdan sobre esta festa.

GAÑADORES DO XII CERTAME ARTÍSTICO TERRAS DE AGUIAR

Estes son os traballos agasallados no XII Certame Artístico Terras de Aguiar

Desde a organización queremos agradecer a todos os que participaron no certame, que fan que ano tras ano o preparemos unha nova edición.



INVERNIZATE CON NOS. Actividades na natureza

“Invernízate con nós” é un programa de actividades de lecer e tempo libre no medio natural, organizado pola Dirección Xeral de Xuventude e Voluntariado, que se levará a cabo no albergue xuvenil de Gandario durante a tempada de outono e inverno.

Este programa está dirixido aos mozos e mozas que teñan entre 18 e 35 anos no momento da solicitude.

Actividades que ofertan:

Recoñecemento de estrelas; orientación nocturna; BTT; tiro con arco; corda tirolesa; iniciación ao rapell; orinetación; xogos tradicionais; dinámicas de grupos; rutas de sendeirismo; obradoiro de recoñecemento fotográfico da paisaxe; obradoiro de construcións.

Para ter máis información sobre o qué inclúe o programa, o material necesario, cómo anotarte, as datas, o prezo e os prazos de envio da documentación requerida pica no seguinte enlace: http://xuventude.xunta.es/invernizate-con-nos-actividades-na-natureza-no-albergue-xuvenil-de-gandario.html

“Mecanografíate” na biblioteca

Durante estos meses estase a impartir na Biblioteca Municipal cursos de informática e de mecanografía. O prazo de inscrición xa rematou coas prazas cubertas no curso de informática pero para practicar mecanografía podeste pasar calquera mañá en horario de 9:00h a 14:30h sen ningún problema. Cun programa moi sinxelo aprenderás a escribir ao ordenador en pouco tempo. Chama ao teléfono 988 259839 e pídenos información ou pásate pola Biblioteca sita na antiga casa do concello.

NOVIDADES NA BIBLIOTECA

Agora xa podes por en práctica o inglés ou francés… pásate pola nosa biblio e colle un libro nestes idiomas, sumérxete na triloxía de Crepúsculo ou busca novas intrigas a través das historias de Stephen King …