Proxecto intercambio de libros de texto

Por segundo ano consecutivo e trala voa aceptación que tivo o mesmo o curso anterior, o Concello pon en marcha o Proxecto Intercambio de libros de texto para o curso 2014-2015.

Este proxecto axuda a educar aos nosos fillos e fillas no coidado do material e na responsabilidade sen esquecer que promove tamén a colaboración entre nenos e nenas, familias e profesores, a solidariedade, o compañeirismo, o altruísmo e o compromiso social.

Aquelas familias que desexen participar deberán entregar na Biblioteca Municipal os libros de texto do curso que non precisen. Ao facer a entrega, facilitaráselle un formulario para completar cos seus datos persoais, as materias ás que pertencen os libros que aportan para intercambiar e os libros que esperan recibir a cambio, ao mesmo tempo entregaráselle un vale por cada libro cedido que poderán cambiar polos libros que precisan.

Tamén poderán participar no proxecto familias cedendo libros que os seus fillos ou fillas xa non van precisar sen levar ningún a cambio.

No seguinte enlace BASES DO PROXECTO podedes atopar toda a información sobre o proxecto: en qué consiste, cales son as claves para que funcione e os pasos a seguir para formar parte do mesmo.

Podedes consultar calquera dúbida no teléfono 988259839 ou a través do e-mail cultura@concellopereiro.com

Advertisements

Cantacontos para bebés (Programa de animación á lectura)

Este mércores 23 de abril, coincindo co Día do Libro, contaremos coa actuación de Pablo Díaz e o seu espéctaculo “Cantancontos para bebés” a partir das cinco e media na Biblioteca Municipal. O espéctaculo está dbando_cantacontos para bebesirixido aos bebés de 0 a 3 anos.

Contos coa música como fío condutor, tratando temas e rutinas adaptadas para os mais cativos. Unha sesión relaxada onde a fantasía e a ilusión serán as protagonistas, guiada por Pablo Díaz.

 

Programa de animación á lectura

img4No mes de abril na Biblioteca Pública Municipal celebraranse dúas actuacións enmarcadas no Programa “Ler conta moito” da Secretaría Xeral de Cultura, que teñen como obxectivo achegar os libros e a lectura aos mais cativos.

Mércores 2 de abril ás 18.30h. Espectáculo “CONTO CONTIGO”, espectáculo de animación á lectura con contacontos, títeres e maxia;interactivo, dinámico e moi divertido. ademais de contos, trabalinguas, cancións, … Está dirixido aos nenos e nenas de catro a once anos.

fotos_conto contigo

O espectáculo “Conto contigo” foi un éxito, e os cativos desfrutaron escoitando contos de animais, aprendendo cancións, e sendo por un ratiño actores e actrices con moita gracia.

Gracias por pasarvos pola Biblioteca Municipal.

Mércores 23 de abril ás 18.30h. Espectáculo “CANTACONTOS PARA BEBÉS”, contos coa música como fío condutor, tratando temas e rutinas adaptadas para os mais cativos. Unha sesión relaxada onde a fantasía e a ilusión sexan as protagonistas, guiada por Pablo Díaz. Está dirixido aos bebés de 0 a 3 anos.

Traballando a igualdade de oportunidades con contos

contos da igualdade_1Con esta colección de Baía Edicións, Contos da igualdade, preténdese romper coa tendencia nos contos infantís de asignar roles estereotipados a nenos e nenas, que condicionan a capacidade de soñar sen límites no propio futuro, de imaxinar un mundo de igualdade entre homes e mulleres.

A Alfombriña non lle gusta que lle digan o que ten que facer. Alfombriña quere decidir por ela mesma.

Os homes choran ou non choran? Eses é o dilema no que se encontra Nito, e que lle trae non poucos problemas até que por fin, coa axuda do Doutor Aymoré, consegue resolver as súas dúbidas.

Podedes atopalos todos na Biblioteca Municipal; traballar cos nosos cativos a igualdade de oportunidades é unha tarefa que podemos exercelos papás e mamás no día a día e estes contos son un recurso que nos poden axudar a transmitir estes valores.

ENTROIDO 2104

0-1-imagesO sábado un de marzo celebrarase a partir das 16:30 horas no Pavillón Municipal do Pereiro de Aguiar a, xa tradicional, Festa de Entroido.

Este ano non haberá temática como tal, senón que se premiará a creatividade, a imaxinación, a reciclaxe, a innovación e a orixinalidade; estas son as claves para elixir o disfraz para o 2014.

Como anos anteriores, non faltarán os inchables para os cativos e xogos populares para toda a familia, como as sillas musicais, o limbo, os globos, o turra-soga … entre outros xogos cooperativos.

Haberá  ademais premios en metálico e agasallos para os mais divertidos e orixinais. Daremos dous premios dotados de 150€, un para á comparsa mais numerosa e outro para a máis orixinal e divertida; e haberá dous premios mais para os disfraces individuais ou parellas, un dotado en 100€ e outro de 50€; primando sempre que non sexan traxes mercados, senón de elaboración propia, únicos e reciclando o que atopamos pola casa.

25 NOVEMBRO. DÍA INTERNACIONAL CONTRA A VIOLENCIA DE XÉNERO

O vindeiro 25 de novembro, celébrase o día internacional contra a violencia de xénero e desde o Concello do Pereiro de Aguiar, queremos invitarvos a dicir un NON  a todas as formas de discriminación e violencia de xénero polo que imos levar a cabo unha serie de actividades ás que estades invitados a participar.

lazo_violeta_contra_violencia_generoI CONCURSO DE FOTOGRAFÍA CONTRA A VIOLENCIA DE XÉNERO “A VIOLENCIA NON É AMOR”. Xuntamos as bases do concurso para que lle votedes un ollo, e vos animedes a participar, haberá un único premio valorado en 150€ e as mais votadas (unha polo público do facebook) serán expostas no concello do Pereiro de Aguiar durante o mes de decembro bases do concurso de fotografía_gal

E, no salón de actos do Centro de Día dos Gozos, ás 18.00h terá lugar unha charla dirixida ás familias sobre sexualidade impartida polo centro QUÉROTE,“COMO AFRONTAR O TEMA DA SEXUALIDADE COS ADOLESCENTES”. As familias interesadas en participar deberán inscribirse na Biblioteca Municipal antes do 22 de novembro; e ao remate ás 19.30h proxectarase a película española de Iciar Bollaín “Te doy mis ojos”.

CICLO DE CONFERENCIAS PARA PAIS E NAIS CON PREADOLESCENTES E ADOLESCENTES

Desde o Servizo de Educación do Concello do Pereiro de Aguiar queremos informar que, dentro do Programa de Actividades Educativas orientadas ás familias, terán lugar no Salón de Plenos do Concello as seguintes Accións Formativas para nais e pais de pre-adolescentes e adolescentes impartidas pola Asociación para a Saúde Emocional na Infancia e Adolescencia (ASEIA) coa colaboración da Deputación Provincial de Ourense:

familia

12 de novembro ás 20.00 horas “A importancia da educación afectivo sexual no desenvolvemento dunha identidade saudable”

20 de novembro ás 20.00 horas “Prevención da violencia e as súas manifestacións: bulling, violencia de xénero, violencia filioparental”

27 de novembro ás 20.00 horas  “A influencia das novas tecnoloxías no desenvolvemento da infancia e a adolescencia, e a súa influencia na familia”

4 de decembro ás 20:00 horas “ Condutas aditivas: vellos medos e novas formas”

PROXECTO DE INTERCAMBIO

Debido á situación de escasos recursos económicos na que nos atopamos e a dificultade na que se atopan as administracións para conseguir axudas para novas actividades, desde o Concello queremos poñer en marcha un proxecto enmarcado nun sistema de intercambio.
Con este sistema de intercambio o que pretendemos e poder facer máis actividades sen que teñan un custo elevado.
O obxectivo é conseguir a persoas interesadas en diferentes temáticas que se xunten e que eles mesmos sexan os que impartan os seus coñecementos ou habilidades entre os participantes.
Aínda que hai moitos campos nos que poidamos traballar nun futuro ( costura, bricolaxe, conservas de alimentos….), queremos comezar por unha actividade que se demanda moito entre os veciños e veciñas do municipio.

As actividades realizaranse no Albergue de Ordelles.

QUE SABES TI DE COCIÑA? ENSÍNASME ?
En que consiste a iniciativa?
1.PARA ADULTOS

Neste primeiro grupo o obxectivo é intercambiar coñecementos de receitas de cociña, polo que cada undos participantes será o profesor para o resto do grupo.Cada un aportaría o seu prato favorito, o que máis gusta no seu entorno familiar, … non se trata de facer pratos moi elaborados nin profesionais senón que consiste en compartir coñecementos e disfrutar do noso tempo de lecer.

As receitas poden ser de diferentes tipos:

• Receitas da cociña da avoa

cocinero infantil

•Receitas para novatos

• Cociña rápida

• Cociña doutros países e culturas
• Repostería

O horario das actividade será os xoves de 17.00 a 19.00 horas durante dous meses aproximadamente, e daría comezo 14 de novembro

2. COCIÑA EN FAMILIA
Ao tratarse dunha actividade familiar, o principal obxectivo e crear un espazo no que tanto os pais coma os nenos e nenas poidan compartir coñecementos, novas experiencias e gozen do seu tempode lecer dun xeito conxunto.

A dinámica a seguir basearíase na participación activa, polo que cada familia aportará unha receita de sinxela execución para que os cativos sexan os encargados da elaboración e se converta nun instrumento para descubrir novos sabores e pratos diferentes.
Nesta actividade é requisito obrigatorio que un dos pais polo menos acompañe aos seus fillos, os cativos non poden vir con outras familias.
Esta actividade está prevista que comece no mes de xaneiro.
Para participar neste proxecto é necesario estar empadroado no Concello.

Quen estea interesado en participar no proxecto pode porse en contacto con no teléfono 988 259839 ou ben a través do e-mail cultura@concellopereiro.com